Monday, October 30, 2006
يستاهلوا !!!
في ليلة من ليالي رمضان (تقريباً في العشرة الآواخر) قرر ت أنا و أمي اننا نسافر بعد الفطار- من قويسنا لإسكندرية. و هي رحلة بتاخد ساعتين بس (21 سنة خبرة سفر في قطارات السكة الحديد). بس المرة دي كانت مختلفة!! أولاً: في حوالي 42 قطر اتلغوا بعد حادثة قليوب إياها!! ثانياً: القطر اللي كنا ناويين نركبه كان طول عمره عربيتين مكيف و الباقي مميز ليه ماعرفش:- دلوقتي بقى كله مميز برضه ليه ماعرفش:- المهم سمعت كلام أمي من إننا موش أحسن من الناس دي و مافيهاش حاجة لما نركب الممييز و الدنيا موش هتبقى زحمة لأننا بعد الفطار. حاولت أفهم أمي إني موش عايشة الدور و بعدين سكت و قلت لنفسي دلوقت تشوف و فعلاً شفنا. لأ علشان ماكونش باكذب احنا ماشوفناش حاجة! القطر كان ضلمة كحل :-(
الأول افتكرنا إنه حاجة عارضة و أنه هاينور بمجرد ما يمشي، لأن على حد علمي القطر ماينفعش يمشي من غير مهندس الكهرباء و قبل كده كان في قطارات بتتحجز في محطة رمسيس علشان الحكاية دي.
المهم القطر مشي مسافة من غير نور و بعدين الكمسري بكل ...... مر علشان التذاكر، و طبعاً أمي سألته: يا ريس فين النور.
الكمسري (و على و جهة ابتسامة مستفزة): قطعوه، أصلنا مادفعناش النور.
أمي: يا ريس أنا موش بهزر و بعدين كده ماينفعش.
طبعاً الإبتسامة السمجة اختفت من على وشه و كمل لفه على التذاكر. أنا قلت أكيد الناس موش هترحمه و كل واحد هايزن عليه شوية. الغريب و المستفز ان مافيش بني آدم واحد فتح بقه بنص كلمة. فلت لنفسي أكيد مبسوطين من الضلمة!!!
الغريب أكتر إن بعد كده القطر لما وقف في طنطا النور نور. حمدنا ربنا و بعدين نادوا على مهندس الكهرباء من ميكرفون المحطة!!! و بعد وقوف طويل في طنطا القطر اتحرك بس للأسف النور قطع تاني بس المرة دي الناس ابتدت تعلق: "أصل السواق أكيد حرامي و سرق حاجة من المقطورة علشان كده موش عايز حد يدخل يصلح حاجة علشان مايتكشفش!!"، "هما اللي بيعملوا كدة [يفسدوا حال القطارات و السكة الحديد] علشان لما يجوا يخصخصوها محدش يعرف يتكلم!!"
المهم القطر مشى ببطء شديد و كان بيقف في حتت غريبة، و المصيبة إن الناس صابرة و ساكتة!!!
برضة الكمسري عدى تاني علشان التذاكر و أنا مقدرتش و قلت إيه البجاحة دي. الست اللي جنبي قالتلي على رأيك (ده اللي قدرتي عليه). قلت لأمي أنا اللي هاتكلم المرة دي (موش المفروض أن ده نهي عن المنكر و من رأى منكم منكراًً... و السكت عن الحق..... و بعدين أنا الرة دي هعلي صوتي أكيد الناس موش عاجبها الوضع بس خايفة تبتدي).
أنا: يا ريس ماينفعش كده، ماينفعش القطر يمشي و الدنيا ضلمة.
الكمسري: أحمدي ربنا انتي موش عارفة إيه اللي هايحصل لو ولعنا النور.
أنا: إيه اللي هايحصل؟
الكمسري: هتحصل قفلة و القطر هايتحرق.
أنا: يا سلام و لما أنت عارف كده طلعت بالقطر ليه أصلاً من القاهرة؟
الكمسري: هو إيه اللي ليه هو إنتي موش من البلدي و لا إيه؟
أنا: لأ من البلدي (مضيفة في سري: و علشان كده موش هاسكت).
و هنا أحب أوضح حاجتين: أولاً: أن رئيس القطار موش غبي علشان يطلع بقطر في احتمال أنه يتحرق و بعدين هو يروح فيها، ثانياً أنه على الرغم من اني كنت بازعق إلا أنه مفيش بني آدم واحد ادخل في الكلام!!!!!!
أنا: هو أنت موش رئيس القطر و مسئول و ربنا هايحاسبك على كده؟ (الراجل و لا معبرني) هتقول إيه لربنا يوم القيامة؟ (و لا كأنه هنا) ..... طب حسبي الله و نعم الوكيل فيك...... حسبي الله و نعم الوكيل فيك.... حسبي الله و نعم الوكيل فيك.......!!!
طبعاً الأموات اللي كانوا راكبين القطر معانا كانوا بيقولوا في سرهم: إيه المجنونة بنت المجنونة دي؟
و أخيراً أضفت بصوت عالي: يعني هو موش بيرد عليا ليه؟ يبقى أكيد كل ده أوامر جياله من فوق و بينفذها.
و طبعاً علشان المسرحية تكمل حصلت حاجة حلوة أوي:
شاب في الكلية (معاه كتبة و شنطة هدومه) فرقع صاروخ في الضلمة:-) المهم في أم و أطفالها كانت قاعدة على الكرسي المواجه، و موش عارفة ليه فهمت أنه كان بيعاكسها.
الست: ياللهوي أنت بتخضني و لا إيه؟ أنت فاكرني بنت قدك؟ داأنا ست كبيرة و معايا عيال.
الولد: أنا آسف يا ست والله ما قصدي أخضك و لا حاجة أنا بس كنت باهزر.
هنا بقة الناس كلها فتحت بقها و اتكلمت و قالت رأيها. لأ و كمان اتضح إن في بوليس في العربية و عملوا للولد محضر على الرغم إن الست إياها راحت لأمين الشرطة و اتحايلت عليه!!
و الناس قعدت تتكلم عن الشباب الطايش و الجيل الفاسد اللي موش متربي!!!
طبعاً أنا اتسحبت من لساني و قلت: يعني هية جت على الصغير اللي هاتعملوا عليه رجالة أمال محدش عمل راجل ليه و اتكلم على الضلمة اللي إحنا قاعدين فيها. أصلاً لو ماكنتش الدنيا ضلمة ماكنش قدر يعمل كده.
و طبعاً الناس اللي حوالية سكتت و بصتلي بصة ليس على المجنون حرج.
بعد أربع ساعات من العذاب (ضعف المدة) وصل القطر. و آخر حاجة قلتها (و برضة بصوت عالي) يستاهلوا الضلمة دي مادام ماعترضوش عليها و عموماً القطر ده ماقيهوش رجالة و إلا كان حد فيهم اتكلم و طبعاً كأني كنت باكلم نفسي. وولا بني آدم واحد رد!!!!!.
المهم القطر مشي مسافة من غير نور و بعدين الكمسري بكل ...... مر علشان التذاكر، و طبعاً أمي سألته: يا ريس فين النور.
الكمسري (و على و جهة ابتسامة مستفزة): قطعوه، أصلنا مادفعناش النور.
أمي: يا ريس أنا موش بهزر و بعدين كده ماينفعش.
طبعاً الإبتسامة السمجة اختفت من على وشه و كمل لفه على التذاكر. أنا قلت أكيد الناس موش هترحمه و كل واحد هايزن عليه شوية. الغريب و المستفز ان مافيش بني آدم واحد فتح بقه بنص كلمة. فلت لنفسي أكيد مبسوطين من الضلمة!!!
الغريب أكتر إن بعد كده القطر لما وقف في طنطا النور نور. حمدنا ربنا و بعدين نادوا على مهندس الكهرباء من ميكرفون المحطة!!! و بعد وقوف طويل في طنطا القطر اتحرك بس للأسف النور قطع تاني بس المرة دي الناس ابتدت تعلق: "أصل السواق أكيد حرامي و سرق حاجة من المقطورة علشان كده موش عايز حد يدخل يصلح حاجة علشان مايتكشفش!!"، "هما اللي بيعملوا كدة [يفسدوا حال القطارات و السكة الحديد] علشان لما يجوا يخصخصوها محدش يعرف يتكلم!!"
المهم القطر مشى ببطء شديد و كان بيقف في حتت غريبة، و المصيبة إن الناس صابرة و ساكتة!!!
برضة الكمسري عدى تاني علشان التذاكر و أنا مقدرتش و قلت إيه البجاحة دي. الست اللي جنبي قالتلي على رأيك (ده اللي قدرتي عليه). قلت لأمي أنا اللي هاتكلم المرة دي (موش المفروض أن ده نهي عن المنكر و من رأى منكم منكراًً... و السكت عن الحق..... و بعدين أنا الرة دي هعلي صوتي أكيد الناس موش عاجبها الوضع بس خايفة تبتدي).
أنا: يا ريس ماينفعش كده، ماينفعش القطر يمشي و الدنيا ضلمة.
الكمسري: أحمدي ربنا انتي موش عارفة إيه اللي هايحصل لو ولعنا النور.
أنا: إيه اللي هايحصل؟
الكمسري: هتحصل قفلة و القطر هايتحرق.
أنا: يا سلام و لما أنت عارف كده طلعت بالقطر ليه أصلاً من القاهرة؟
الكمسري: هو إيه اللي ليه هو إنتي موش من البلدي و لا إيه؟
أنا: لأ من البلدي (مضيفة في سري: و علشان كده موش هاسكت).
و هنا أحب أوضح حاجتين: أولاً: أن رئيس القطار موش غبي علشان يطلع بقطر في احتمال أنه يتحرق و بعدين هو يروح فيها، ثانياً أنه على الرغم من اني كنت بازعق إلا أنه مفيش بني آدم واحد ادخل في الكلام!!!!!!
أنا: هو أنت موش رئيس القطر و مسئول و ربنا هايحاسبك على كده؟ (الراجل و لا معبرني) هتقول إيه لربنا يوم القيامة؟ (و لا كأنه هنا) ..... طب حسبي الله و نعم الوكيل فيك...... حسبي الله و نعم الوكيل فيك.... حسبي الله و نعم الوكيل فيك.......!!!
طبعاً الأموات اللي كانوا راكبين القطر معانا كانوا بيقولوا في سرهم: إيه المجنونة بنت المجنونة دي؟
و أخيراً أضفت بصوت عالي: يعني هو موش بيرد عليا ليه؟ يبقى أكيد كل ده أوامر جياله من فوق و بينفذها.
و طبعاً علشان المسرحية تكمل حصلت حاجة حلوة أوي:
شاب في الكلية (معاه كتبة و شنطة هدومه) فرقع صاروخ في الضلمة:-) المهم في أم و أطفالها كانت قاعدة على الكرسي المواجه، و موش عارفة ليه فهمت أنه كان بيعاكسها.
الست: ياللهوي أنت بتخضني و لا إيه؟ أنت فاكرني بنت قدك؟ داأنا ست كبيرة و معايا عيال.
الولد: أنا آسف يا ست والله ما قصدي أخضك و لا حاجة أنا بس كنت باهزر.
هنا بقة الناس كلها فتحت بقها و اتكلمت و قالت رأيها. لأ و كمان اتضح إن في بوليس في العربية و عملوا للولد محضر على الرغم إن الست إياها راحت لأمين الشرطة و اتحايلت عليه!!
و الناس قعدت تتكلم عن الشباب الطايش و الجيل الفاسد اللي موش متربي!!!
طبعاً أنا اتسحبت من لساني و قلت: يعني هية جت على الصغير اللي هاتعملوا عليه رجالة أمال محدش عمل راجل ليه و اتكلم على الضلمة اللي إحنا قاعدين فيها. أصلاً لو ماكنتش الدنيا ضلمة ماكنش قدر يعمل كده.
و طبعاً الناس اللي حوالية سكتت و بصتلي بصة ليس على المجنون حرج.
بعد أربع ساعات من العذاب (ضعف المدة) وصل القطر. و آخر حاجة قلتها (و برضة بصوت عالي) يستاهلوا الضلمة دي مادام ماعترضوش عليها و عموماً القطر ده ماقيهوش رجالة و إلا كان حد فيهم اتكلم و طبعاً كأني كنت باكلم نفسي. وولا بني آدم واحد رد!!!!!.
Thursday, October 05, 2006
Aslamou Alykom Happy Ramadan This is the first time for me to write and there is no specific topic but since we are in Ramadan and because of something that happened to me lately i'd like to share this Do'aa with you in my first post:
اللهم إني أشكو إليك ضعف قوتي وقلة حيلتي وهواني على الناس يا أرحم
الراحمين، أنت رب المستضعفين وأنت ربي إلى من تكلني، إلى بعيد يتجهمني، أم إلى عدو ملكته أمري إن لم يكن بك غضب علي فلا أبالي، ولكن عافيتك أوسع لي أعوذ بنور وجهك الذي أشرقت به الظلمات، وصلح عليه أمر الدنيا والآخرة، أن ينزل بي غضبك أو يحل بي سخطك i think this blog will contain a variety of topics; i'll write about different things i see and go through but without your opinions and participation it won't be a blog in the first place!!:)
اللهم إني أشكو إليك ضعف قوتي وقلة حيلتي وهواني على الناس يا أرحم
الراحمين، أنت رب المستضعفين وأنت ربي إلى من تكلني، إلى بعيد يتجهمني، أم إلى عدو ملكته أمري إن لم يكن بك غضب علي فلا أبالي، ولكن عافيتك أوسع لي أعوذ بنور وجهك الذي أشرقت به الظلمات، وصلح عليه أمر الدنيا والآخرة، أن ينزل بي غضبك أو يحل بي سخطك i think this blog will contain a variety of topics; i'll write about different things i see and go through but without your opinions and participation it won't be a blog in the first place!!:)
بسم الله الرحمن الرحيم
السلا م عليكم رمضان كريم و كل عام و أنتم بألف خير و صحة و سعادة و ربنا يحقق لكم كل أحلامكم. دي أول مرة أكتب فيها و مفيش موضوع محدد بس بما إننا في رمضان و لظروف مرت اليومين اللي فاتو أحب يكون الدعاء ده في أول مرة ليا: (اللهم إني أشكو إليك ضعف قوتي وقلة حيلتي وهواني على الناس يا أرحم الراحمين، أنت رب المستضعفين وأنت ربي إلى من تكلني، إلى بعيد يتجهمني، أم إلى عدو ملكته أمري إن لم يكن بك غضب علي فلا أبالي، ولكن عافيتك أوسع لي أعوذ بنور وجهك الذي أشرقت به الظلمات، وصلح عليه أمر الدنيا والآخرة، أن ينزل بي غضبك أو يحل بي سخطك)
أعتقد إن المدونة دي هتكون متنوعة يعني إن شاء الله هكتب عن حاجات كتيير باشوفها بس من غير رأيكم و مشاركتكم موش هتبقى مدونة أصلاً!!!!:)
